भुईँचालोले थलीएको नगर तङ्ग्रीएर चलायमान भएको छः मेयर तामाङ (भिडियो सहित)


२०७२ को विनासकारी भुकम्पले तहसनहस बनेको सिन्धुपाल्चोक जिल्लाको चौतारा साँगाचोकगढी नगरपालिकामा स्थानीय सरकारको आधा समय बितीसक्दा पिडीत स्थानीयको जनजिवनमा के परिवर्तन आयो ? कस्ता खालका चुनौती रहे र आगामी कार्ययोजना के–के छन् ? यी विषयमा मध्यावधि समिक्षा गर्ने क्रममा सिन्धुपाल्चोक चौतारा साँगाचोकगढी नगरपालिकाका मेयर अमान सिंह तामाङसँग सहकर्मी शिव अधिकारीले गर्नुभएको कुराकानीको सम्पादित अंश ।

मेयरज्यू, तपाईँ जतीबेला चुनाव लड्दै हुनुहुन्थ्यो, त्यतिबेला तपाईँले गर्नुभएको प्रतिबद्धता आज कहाँ पुग्यो ?

२०७२ साल बैशाख १२ गते गएको महाभुकम्पले सारा सिन्धुपाल्चोक जिल्ला ध्वस्त भएको थियो । त्यो पुननिर्माण सम्पन्न गर्छु भनेर मैले पहिलो प्रतिबद्धता जनाएको थिएँ । विभिन्न ठाउँमा गाउँ–गाउँमा काठका पोलहरु लथालिङ्ग भएर भाँचिएका थिए, जसको कारणले धेरै मानविय क्षती पुग्ने सम्भावना पनि थियो । यसरी गाउँमा डुल्दा मैले काठका पोलहरु हटाउदै फलामे पोल राख्ने अभियान चलाएको थिएँ । त्यस्तै चौतारा साँगाचोकगढी नगरपालिकाको प्रत्येक वडा कार्यालयसम्म कालोपत्रे सडक पुर्याउने अर्को अठोट थियो । त्यसपछाडी चौतारा साँगाचोकगढी नगरपालिकाको कार्यालय नभएको कारणले कार्यालय भवन निर्माण गर्ने प्रतिबद्धता थियो । अर्को कृषि, भेटनरी र ८० वटा विद्यालय भुकम्पले तहसनहस भएको थियो यो सबै निर्माण गर्नुपर्छ भन्ने अभियानमा जुटेको थिएँ । भुकम्पले गर्दा कृषकहरु आफ्नो कृषि पेशा छोडेर बानी बिग्रीएको अवस्था थियो । तिं कृषकहरुलाई फेरी कृषि पेशामा फर्काएर आत्मनिर्भर बनाउछु भन्ने अठोटका साथ म अगाडि बढेको थिएँ र त्यो काम मैले अहिले तदारुकताका साथ अगाडि बढाउँदै लगेको छु ।

भुँईचालोले सबैभन्दा क्षती पुर्याएको तपाईँको नगरपालिका हो । चौतारा त सबै ध्वस्त नै थियो । आज चौतारा सफा छ ? काहि घर बनाउन नपाएर बस्नुपरेको अवस्था त छैन ? तपाईँको नगरपालिका भित्र कतै पालमुनि त छैनन् जनता ?

छैन । जनतालाई पाल, टहरोबाट घरमा लग्नको लागि नम्बर एकमा मैले घर–घरमा प्रत्येक टोल–टोलमा त्यो गिट्टी, बालुवा, सिमेन्ट र रड पुर्याउनका लागि मैले प्रत्येक टोलको चोक–चोकमा बाटो पुर्याउने काम गरेँ नम्बर एकमा । सरकारी कार्यालयको कागजी प्रकृया मिलाउन धेरै झन्झट भएको कारणले निर्माण गर्नु भनेर घरको नक्सा पासमा मैले छुट दिएँ । अहिले सम्म आउँदा खेरि ९४ प्रतिशत घरहरु मेरो नगरपालिकामा निर्माण भइसकेको छ ।

दोस्रो चुनावी प्रतिबद्धतामा काठको पोल विस्थापित गर्ने भन्नु भएको थियो हैन । त्यो अहिले के छ ?

त्यसको प्रगति पनि सन्तोसजनक छ । किनभने साँढे २ वर्षको कार्यकालमा मैले ९५ प्रतिशत काठको पोल मुक्त गरिसकेँ ।

अर्को, मेयर साहब प्रत्येक वडामुकामसम्म पक्की बाटो बनाउने जुन तपाईँको प्रतिबद्धता थियो । त्यो प्रतिबद्धता कहाँ पुग्यो ?

चौतारा बजार लथालिङ्ग थियो, भुकम्पले भत्काएको घर सबै त्यही बाटोमा थुप्रीएका कारण सडक तहसनहस थियो, सबै पुरानो पिच भत्कीएको थियो । अहिलेको नयाँ बषपार्क देखि चौताराको टुडिँखेलसम्म सबै पिच भइसकेको छ । भोली आउँदा दिनहरुमा वडा कार्यालयसम्म पुग्ला या नपुग्ला तर सकेसम्म म पुर्याउने अभियानमा छु । मलाई लाग्छ अरु वडामा पुग्छ तर यो ३ नम्बर र २ नम्बरमा चाँही मलाई शंका लाग्या छ । तर सकेसम्म त्यहाँसम्म पनि पुर्याउने भन्ने अठोटका साथ म अगाडि बढेको छु ।

विद्यालय पुननिर्माणको प्रकृया चाँही कहाँ पुगेको छ ?

विद्यालयको पुननिर्माणका सन्दर्भमा ८० वटा विद्यालयमा ७८ वटा सामुदायिक विद्यालय नै छन् । ५८० वटा कोठाहरु नै छन् । ५८० वटा कोठाका लागि मैले नगरपालिकाको आग्रहमा एडीबी, वल्र्ड भिजन जस्ता ठूला संस्थालाई मेरो नगरपालिकाको यत्रो विद्यालय बनाउने क्षमता छैन । लौन हजुर तपाईँले सहयोग गर्नुपर्यो भन्ने आग्रहमा चाँही अहिले प्रत्येक विद्यालयको पुननिर्माण सम्पन्न भइसकेको छ । अहिले हस्तान्तरण गर्ने कार्यहरु जारी छ ।

अहिले हस्तान्तरण गर्न भ्याइ–नभ्याई छ हैन त मेयरसाहबको ?

भ्याइ नभ्याई छ । किनभने मैले पहिला पनि बोलेको थिएँ । तपाईँहरुले मलाई भोट दिएर मेयर भइसकेपछि मलाई ठूलो मान्छे बनाइदियो भनेर म घमण्ड गर्ने छैन । म शाषक हो, मलाई जनताले ठूलो मान्छे बनाइदियो, मेयर बनाइदियो भन्यो भने त्यो बोलेको कुरा पुर्याउन सक्दैन । तर म नोकर हो नोकर सम्झेर काम गरिसकेपछि त्यो पुर्याउन सकिन्छ ।

तपाईँ जनताको नोकर हो की सेवक हो मेयरज्यू ?

नोकर र सेवक एउटै पनि हो । किनकी अब सेवक पनि हो । तर सेवकले मात्र पुग्दैन । नोकर भएपछि मालिकलाई खुशी पार्नको लागि आफ्नो दायित्व पुरा गरिन्छ । मेरो जनता मालिक हुन् म नोकर हो ।

गाउँमा युवाहरु बसेनन् सबै खाडी मुलुकतर्फ जाने अवस्था बन्यो । अझ काठमाडौँबाट नजिकै भएको हुनाले पनि त्यहाँबाट काठमाडौं आउने र यहिँ बस्ने नफर्कनेहरुको संख्या धेरै भयो । तपाईँको घोषणापत्रमै पनि थियो । गाउँमा चाँही काम गरेर खाने अवस्था बनाउँछु भन्नुभएको थियो । जसका लागि तपाईँले कृषिमा जोड दिन्छु, त्यहाँ भेटनरी राख्छु भन्नुभएको थियो नी । त्यो प्रयत्न के भएको छ ?

कृषिको लागि मैले जोड दिएको छ । कृषि भनेको विकासको मेरुदण्ड रहेछ । अहिले प्रत्येक घर–घरमा हाते ट्रयाक्टर वितरण गर्ने कामहरु मैले गरेको छु । धान, कोदो कुट्ने मेसिनहरु, मकै छोडाउने मेसिनहरु जनतालाई उपलब्ध गराएको छु । प्रत्येक वडा–वडामा एउटा–एउटा तरकारी पकेट क्षेत्र घोषणा गरेको छु । पकेट क्षेत्र घोषणा गरेको ठाउँमा त्यसको मल बीउ र औषधीका लागि नगरले २–३ लाख अनुदान दिने काम गरेको छ । त्यसका साथै तरकारी संकलन केन्द्र बनाउन मैले १५ लाख रुपैँया छुट्याएको छु । भेटनरी सम्बन्धमा हिजो एउटा ३० हजार रुपैयाँ भैँसी अनुदान आएको थियो । मैले १७६ वटा भैँसी नै किनेर दिएँ । दिइसकेपछि त्यती उपलब्धीमुलक देखेन मैले । कृषकले आफैलाई ठग्ने कामहरु गरे । अनुदान लिएको भैँसी बेच्दीने, अब दुध अनुदान दिएपछि त दुध बेच्न मिलेन । त्यसैले अहिले दुध अनुदान दिने निती ल्याएको छु ।

५ वर्ष बितीसकेपछि फर्केर हेर्दाखेरि यो चौतारा साँगाचोकगढि नगरपालिकामा मेयर अमान सिंह तामाङ हुनुहुन्थ्यो र यो भयो भन्ने खालको तपाइको नगरपालिका भित्र के हुनसक्छ ?

देखिने काम मुख्य १ नम्बरमा अब मैले अघि नै भनेँ प्रत्येक घर–घरमा बाटो पुग्ने काम त्यो भैगो । नम्बर २ काठको पोल मुक्त गरेर मेरो नगरपालिका भित्रमा केबल लाइन कालो तार हुन्छ । ३ मा नगरपालिकाको कार्यलय भवन निर्माण सम्पन्न हुन्छ । विद्यालयमा पानी, शौचालय सहितको भवन निर्माण भएको त्यो भैगो । अर्को यो चौतारा अस्पताल माथि पानी ट्याङकी छ त्यसमा स्वयम्भुको जस्तो सिँढी बनाउने, माथि डाँडामा ५० फिटको एउटा बुद्धको मुर्ति बनाउने । कृषी अनुदान यो त आत्मनिर्भर बन्ने काम हो देख्ने त हैन । सकेसम्म यूवाहरुलाई विदेश जानबाट रोक्ने ।

भिडियो हेर्नुहोस्:

Leave a Reply

Your email address will not be published. Required fields are marked *