जनकपुरधाम अपडेट : एक साताको लागि निषेधाज्ञा जारी

मेयर खबरदाता धनुषा
१९ श्रावण । जनकपुरधाम उपमहानगरपालिकामा सोमबार राति १२ बजेदेखि लागू हुनेगरि एक हप्तासम्मका लागि निषेधाज्ञा जारी गरिएको छ ।

उपमहानगरपालिका क्षेत्रमा कोरोना सङ्क्रमीतको बढ्दो संख्याले जोखिम निम्त्याउन सक्ने भएपछि थप संक्रमणलाई न्यूनिकरण गर्न निषेधाज्ञा जारी गरिएको हो ।

उपमहानगरपालिकाले एक अपिल जारी गर्दै अत्यावश्यक सेवाहरुबाहेक अरु सेवा २६ गतेसम्मका लागि बन्द गरिएको जानकारी गराएको छ ।