खाद्य सामाग्री सहित मेयर अधिकारी पहिरो प्रभावित क्षेत्रमा

मेयर खबरदाता, स्याङ्जा
२० श्रावण । गल्याङ नगरपालिकाले पहिरो पीडित र विस्थापित परिवारलाई खाद्यान्न सहयोग गरेको छ । वडा नम्बर १० अधमारामा पहिरोबाट प्रभावित बनेका परिवारलाई भेटन मेयर भुपराज अधिकारी मंगलबार विभिन्न खाद्य सामाग्री लिएर जानुभएको थियो ।

पहिरो पीडित सात घर परिवारलाई प्रति परिवार तीन तीन बोराका दरले चामलसँगै दाल तथा तेल वितरण गरिएको गल्याङ नगरपालिकाले जनाएको छ । राहत सामाग्री वितरण गर्दै मेयर अधिकारीले विस्थापित परिवारको घर निर्माण गर्न पनि नगरपालिकाले सहयोग गर्ने प्रतिबद्धता जनाउनुभयो ।

यसअघि गाउँसौरामा पहिरोकै कारण निधन भएकी यामकुमारी सारुको परिवारलाई गल्याङ नगरपालिकाले एक लाख रुपैयाँ सहित खाद्यान्न सहयोग गरेको थियो ।